EDHak (Erretinako Distrofia Hereditarioak) oinarri genetiko eta hereditarioa duten patologien multzoa da, eta erretinaren alterazio handia eragiten dute. EDHak diagnostikatzea zaila da, eta pertsona gutxi batzuei eragiten diete; beraz, gaixotasun arrarotzat hartzen dira.
EDHek ikusmen-zorroztasuna edota ikusmen-eremua apurka-apurka galtzea eragiten dute bi begietan; horrela, denborak aurrera egin ahala, ikusmen-gaitasuna murrizten dute, eta legezko itsutasunera eta ikusmenaren erabateko galerara irits daiteke.
EDHek erretinari eragiten diote, eta begiaren zati guztiak ikusmen-informazioa hautemateko garrantzitsuak badira ere, erretina ezinbestekoa da, bere funtsezko funtzioa baita argia detektatzea eta irudiak garunera transmititzea bertan prozesatzeko.
