Erretinaren bestelako oinordetzazko gaixotasunak
Print Friendly, PDF & Email
Erretinosi Pigmentarioak edonori eragin diezaioke
Donazio bat egin
La retinosis y nuestra historia 1 eu
Lagun gaitzazu munduari azaltzen zer den erretinosi pigmentarioa

Facebook Twitter

La retinosis y nuestra historia 2 eu

 


Leber-en amaurosis kongenitoa

Ikusmenaren galera larria eragiten duen gaixotasuna da Leber-en amaurosis kongenitoa. Pentsatzen da gaixotasun hau eragiten duela edo ez-ohiko garapenak edota erretinako fotojasotzaileen endekapenak. Horrela, Leber-en amaurosis kongenitoa duen ume batek ikusmen oso murriztua aurkeztu ohi du, erretina normal azaldu arren. Hilabete gutxiren buruan begien ez-borondatezko eta errepikatuak diren mugimenduak azaltzen dira eta larritu egiten dira ikusmen arazoak.

RParekin antzekotasun handiak ditu eta oftalmologo askok RPren forma goiztiar batentzat hartzen dute. RParekin amankomunean, era desberdinak dituen baldintza mailakatua da, bakoitzak eragile genetiko ezberdinak dituelarik. LCAk eragindakoen gehiengoak erretinaren pigmentazioa eta ikusmen nerbio ahulduak garatzen dituzte denboran zehar, zeintzuk antzekotasuna duten RP eragindakoengan ikusiriko aldaketekin.

LCAren oinordetza mota autosomiko atzerakorra da.


Koroideremia

Koroideremia koroide, epitelio pigmentario eta erretinaren atrofia ia erabatekogatik bereiziriko erretinako endekapenezko gaixotasuna da.

Bere adierazpen klinikoak RParen antzekoak dira. Horrela, gaueko ikusmenaren galera azaltzen da, ikuseremuaren murriztea, begi hondoan pigmentoen pilaketa ematen da eta elektrorretinograma anomaloa fase goiztiarretatik adierazten da. Adierazpen kliniko hauek ugaritasun handia aurkezten dute eragindako batzuetatik beste batzuetara, honek diagnostikoa zailtzen du, batez ere gaixotasunaren fase goiztiarretan.


Endekapen makularra

Endekapen makularraren barruan bi talde handi bereiz ditzakegu; batetik, subjektu gazteei eragiten diena eta, bestetik, halduei eragiten diena (azken honi adinari loturiko endekapen makularra dei ohi zaio, DMAE). Haur endekapen makularra ez da ohizkoa eta normalean adinean oso goiz diagnostikatzen da.

Adinari loturiko endekapen makularra da ohikoena eta, oro har, 50 urte baino gehiagoko pertsonei eragiten die. Eraldaketa honek bi forma barnebiltzen ditu: endekapen makular busti eta lehorra.

Baldintza guzti hauek orokorrean ikusmen zentralari eragiten diote (RP tipikoak ez bezala), ikusmen narratsa, forma eta tamainen desitxuratzea, puntu itsuak eta zailtasunak aurpegiak irakurri edota ezagutzerako orduan. Ikusmen periferikoan ez du eraginik izaten, hortaz, mugikortasuna ona da.


Startgardt gaixotasuna

Startgardt gaixotasuna edota endekapen makular gaztea jaraunspenezko endekapen makularra da eta bereizten da erdiko ikusmenaren galeragatik, zeina era motel eta mailakatu batetan ikusmen zorroztasunaren gutxitze handia eragin dezakeen. Ohikotasunez azaltzen dira aldaketa atrofiko eta orban horiak. Erretinan hemorragiak ere azal daitezke.

Era autosomiko atzerakor batetan heredatzen da (bi gurasoak dira eramaileak) eta 8-14 urte bitartean azaldu ohi da. Orokorrean ez da eraldaketarik ematen nerbio-sisteman eta bereizi beharra dago gaixotasun metaboliko neurodegeneratiboek eragindako eraldaketa makularretatik. A bitaminaren hartzea kontraindikatua dago Stargardt gaixotasunean, izan ere, fotojasotzaile eta erretinaren epitelio pigmentariorako toxikoa gerta daiteke.

.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies
Tamaño de fuente
CONTRASTE