Nortzuk gara?
Retina Euskadi Begisarek Euskadiko hiru elkarte biltzen ditu: Retina Araba, Retina Bizkaia eta Retina Gipuzkoa.
Gure erakundeetako bazkide izan daitezke erretinaren distrofia hereditarioak dituzten pertsonak, baita ikusmen urria edo itsutasuna sortzen dituzten bestelako gaixotasunak dituztenak ere. Bazkide kolaboratzaileek berebiziko garrantzia dute eta maiz gure “begiak” dira. Guztira 500 kide gara, eta kezka komun bat partekatzen dugu: kaltetutako pertsonen bizi-kalitatea hobetzea.
Denok modu koordinatuan lan egiten dugu, gure helburuak ahalik eta biztanle gehienentzat izan daitezen eta gure jarduerak eta ekintzak ahalik eta biztanle gehienengana irits daitezen.
«Kaltetutako pertsonen bizi-kalitatea hobetzea»
Zer egiten dugu
Kaltetutako pertsonei eta haien gizarte-inguruneari laguntzen diegu. Alde batetik, lehen harrera baten bidez, elkar ezagutzera emateko. Hortik aurrera pertsona (eta familiari, bi aldeek hala nahi badute) lagundu eta jarraipena egiten zaio, arreta pertsonalizatua eta integrala eskainiz. Bestalde, topaketa- eta prestakuntza-taldeak antolatzen ditugu, ikerkuntzaren alorreko talde garrantzitsuen hitzaldiak eta gizarte-, kultura- eta kirol-jarduerak egiten ditugu. Jarduerok elkartekideentzat eta haien ingurune hurbilarentzat dira.
Horrekin guztiarekin, benetan nahi duguna da desberdintasunak ezabatzen lagundu, marjinazio-egoerak gainditu, autonomia pertsonala sustatu, ikusmen-desgaitasuna duten pertsonen gizarte-ongizatea eta bizi-kalitatea bultzatu.
Gehiago ezagutu nahi bagaituzu eta bide honetan laguntzea nahi baduzu, ez izan zalantzarik eta deitu!
Gizartea sentsibilizatzen dugu gure gaixotasunen inguruan, zer diren eta zer esan nahi duen ikusmen murriztuarekin bizitzeak eta ikusmen-urritasuna dugunontzat ikerketak duen funtsezko garrantziaren inguruan.
Euskal Autonomia Erkidegoan erretinako distrofia hereditarioek eragindakoak ordezkatzen ditugu, hainbat instituzio, erakunde, elkarte, entitate, profesional, merkatari eta gizartea osatzen duten mota guztietako pertsonen aurrean. Horretarako, topaketak, ekitaldiak eta sentsibilizazio-jarduerak egiten ditugu, gizarteari errealitate hori ezagutarazteko. Gizarteari gure eskubideak bermatzeko beharra helarazi nahi diogu.
Sentsibilizazio-lan hori etengabe egiten dugu, eskatzaileei egokituta. Interesdunek, hurbilen duten elkartearekin harremanetan jarri besterik ez dute egin behar.
Erretinaren distrofia hereditarioen ikerketa sustatzen dugu, gure elkarteek bultzatutako eta Biodonostia Institutuak gauzatutako proiektuaren bidez. Elkarteetako kideak ikerketaren oinarria gara, eta hurbileko aditu-talde abegitsua dugu.
