2026ko irailaren 26an · Bizkaia Aretoa · Bilbo
2026ko irailaren 26an, Retina Bizkaia Begisarek bere 10. urteurrena ospatuko du, Erretinaren Munduko Egunarekin bat eginez.
Ospakizun horren harira, “Retina eta Ikusmena: Ikusmenaren osasunean ikuspegi berriak” jardunaldia antolatu dugu. Bilbon egingo den topaketa honek pazienteak, senideak, osasun arloko profesionalak eta ikertzaileak bilduko ditu helburu komun batekin: ezagutza zientifikoa herritarrengana hurbiltzea eta aurrerapenak, esperientziak eta etorkizuneko erronkak partekatzeko gune bat sortzea.
Jardunaldia, halaber, Retina Euskadi Begisare osatzen dugun hiru erakundeon topagunea izango da, eta Acción Visión España eta Bilboko Medikuen Zientzien Akademiaren lankidetza izango du, baita Eusko Jaurlaritzaren, Bizkaiko Foru Aldundiaren, Bayer, Roche, Multiópticas eta Fundación Multiópticas erakundeen babesa ere.
Saio zientifikoan ospe handiko adituek parte hartuko dute, eta ikusmenaren osasunaren egungo erronka nagusietako batzuk jorratuko dituzte: adinari lotutako endekapen makularra (DMAE), erretinaren herentziazko distrofia nagusiak, terapia berritzaileenak eta oftalmologiaren etorkizuna markatzen ari diren ikerketa-ildoak.
Programa
10:30 Hasiera eta ongietorri instituzionala.
10:50 Agurra. Jone Rubio eta Peru Ispizua.
11:00 DMAE – Adinarekin lotutako endekapen makularra: tratamenduan aurrerapenak.
Ricardo Pedro Casaroli doktorea. Bartzelonako Unibertsitateko Oftalmologiako katedraduna eta Bartzelonako Hospital Clínic ospitaleko erretinologoa.
11:30 DMAE simulatzen duten erretinako herentziazko gaixotasunak.
Rosa Coco doktorea. Valladolideko Unibertsitateko Oftalmologiako katedraduna, erretinologoa eta IOBAko Erretina Ikerketa Taldeko zuzendaria.
12:00 Atsenaldia eta kafea.
12:30 Erretinako herentziazko distrofiak: gene-terapiaren bilakaera eta eguneratzea.
Carlos Mendoza doktorea. Bascom Palmer Eye Institute-ko neurooftalmologoa eta Miamiko Unibertsitateko Oftalmologia Klinikoko irakaslea (AEB).
13:10 Erretinopatiak: laborategitik pazientera.
Nicolás Cuenca Navarro doktorea. Alacanteko Unibertsitateko Biologia Zelularreko katedraduna.
13:40 Galderen txanda.
14:00 Agurra eta amaiera.
Hitzaldiez gain, jardunaldiak pazienteen, familien eta profesionalen arteko topagunea ere eskainiko du, esperientziak partekatzeko eta osasunaren, ikerketaren eta mugimendu elkartearen arteko loturak sendotzeko.
Azken hamar urteotan, Retina Bizkaia Begisarek erretinaren gaixotasunak eta ikusmen urritasuna dituzten pertsonei laguntzeko, dibulgazio zientifikoa sustatzeko, gizartea sentsibilizatzeko eta ikertzaile, profesional eta erakundeekin elkarlanean aritzeko lan egin du. Jardunaldi hau egindako bidearen ospakizuna izateaz gain, ikusmenaren osasunaren etorkizuna elkarrekin eraikitzen jarraitzeko gonbidapena ere bada.
📅 Data: 2026ko irailaren 26a
📍 Lekua: Bizkaia Aretoa (Bilbo)
Datozen asteetan jardunaldiaren behin betiko programa argitaratuko dugu.
Informazio gehiago eta izen-ematea:
☎️ +34 646 787 112
